Nótaí a ghabhann leis na Ráitis Airgeadais

20. Iasachtaí agus Fiacha

	2023	2022
	€’000	€’000
Iasachtaí iomlána	377,632	382,895
	377,632	382,895
Tá na hiasachtaí seo inaisíoctha sna tréimhsí seo a leanas tar éis dheireadh na bliana:
I mbliain amháin nó níos lú	5,263	5,263
Idir bliain amháin agus dhá bhliain	5,263	5,263
Idir trí agus cúig bliana	29,428	15,790
I níos mó ná cúig bliana	337,678	356,579
	377,632	382,895
Iasachtaí fadtéarmacha bainc	77,632	82,895
Bannaí Sinsearacha Aicme A Neamhurraithe	300,000	300,000
	377,632	382,895

Saoráid chreidmheasa imrothlaigh:

Tá comhaontú saoráide creidmheasa imrothlaigh €50 milliún ag an gComhlacht le Banc-Aontas Éireann, cpt. (le Banc Uladh DAC ar dtús agus aistríodh faoi na téarmaí céanna). Bhí an áis seo neamhtharraingthe ag deireadh na bliana agus tá sé dlite le haisíocaíocht iomlán (má tarraingíodh é) i mí an Mhárta 2024. Tá an áis neamhtharraingthe go dtí seo. Rachaidh an tsaoráid in éag i mí an Mhárta 2024, agus tá sé beartaithe dul chun an mhargaidh le haghaidh saoráid athsholáthair i rith na bliana.

Tá an ráta úis ar an iasacht athraitheach ar bhonn an EURIBOR agus ar an gcorrlach is infheidhme. Níl aon urrús inláimhsithe ag Bainc-Aontas Éireann, cpt ar an áis seo.

Iasachtaí fadtéarmacha bainc:

I mí na Nollag 2015 rinne an Comhlacht Conradh Airgeadais leis an mBanc Eorpach Infheistíochta maidir le saoráid airgeadais tionscadail €100m. Tá an áis seo ar feadh téarma 20 bliain a tarraingíodh anuas go hiomlán. Ba é an t-iarmhéid gan íoc ar an 31 Nollaig 2023 ná €77.6m (2022: €82.9m).

Bannaí Sinsearacha Aicme A Neamhurraithe:

I mí na Nollag 2019 d’eisigh an Comhlacht bannaí sinsearacha neamhurraithe €300m do raon infheisteoirí institiúideacha. Eisítear na bannaí seo ar ráta seasta (ráta úis seasta: 2.406%) in airgeadra an Euro agus tá siad liostaithe ar an Margadh Malairte Domhanda de Euronext Dublin. Is é Meán Fómhair 2049 dáta aibíochta deiridh na mbannaí. Ar 31 Nollaig 2023, tá €300 milliún de bhannaí neamhurraithe tarraingthe anuas (2022: €300 milliún). Is é 2028 an chéad bhliain d’aisíoc príomhshuime an bhanna agus tá sé iníoctha i dhá thráthchuid chothroma is fiche gach bliain go dtí aibíocht.

Tá coinníollacha ag na bannaí sinsearacha agus saoráidí eile a éilíonn ar an gComhlacht cúnaint áirithe a choinneáil. Ar 31 Nollaig 2023, tá ceanglais uile an chúnaint á gcomhlíonadh go hiomlán ag an gComhlacht.